Bu gün İngiltərə Premyer Liqasında 31-ci turun oyunlarına start verilib.

Qol.Az-ın məlumatına görə, ilk oyun günündə 7 qarşılaşma baş tutacaq.

Turun açılış oyununda "Arsenal" öz meydanında "Liverpul"u qəbul edib. Bolqollu keçən görüş "Arsenal"ın böyükhesablı qələbəsi ilə başa çatıb. Rəqibinə 4:1 hesabı ilə qalib gələn London təmsilçisi çempionluq uğrunda mübarizəni davam etdirir.

Digər oyunlara gəldikdə "Mançester Yunayted" evdə "Aston Villa", "Çelsi" isə "Stok Siti" ilə qarşılaşacaq. "Sauthempton" isə səfərdə "Everton"un qonağı olacaq.

Qeyd edək ki, Premyer Liqada 31-ci tura aprelin 6-da keçiriləcək "Kristal Palas" - "Mançester Siti" oyunu ilə yekun vurulacaq.