Kolumbiyada keçirilən futzal üzrə dünya çempionatında daha 3 1/4 finalçı müəyyənləşib. Qol.az-ın məlumatına görə, Azərbaycanla eyni qrupda mübarizə aparmış İran gecənin sensasiyasına imza atıb.

Qonşu ölkə yığması 1/8 finalda son dünya çempionu Braziliyanı mübarizədən kənarlaşdırıb. Görüşün əsas vaxtında 2:2 hesablı heç-heçə qeydə alınıb. Əlavə vaxtda tərəflər hərəyə bir dəfə fərqləniblər. Qalib penaltilər seriyasında müəyyənləşib. Burada daha dəqiq olan İran 3:2 hesabı ilə qalib gələrək 1/4 finala yüksəlib.

İspaniya isə Qazaxıstanı 5:2 hesabı məğlub edərək 1/4 finala adını yazdırıb.

1/8 finalın digər görüşündə Portuqaliya Kosta Rikanı məğlub edib- 4:0. Millimiz bu gecə Tailanda qalib gəlsə, 1/4 finalda məhz Portuqaliya ilə qarşılaşacaq

Qeyd edək ki, son 3 1/4 finalçı bu gecə müəyyənləşəcək.