"Qəbələ" klubu futbol üzrə Avropa Liqasının qrup mərhələsində Belçika "Anderlext"i ilə keçirəcəyi səfər matçı üçün Brüsselə yola düşüb. "Report"un məlumatına görə, komanda üzvlərini Heydər Əliyev Beynəlxalq Hava Limanından Belçika paytaxtına çarter reysi ilə uçan təyyarə aparıb.
Bu gün "qırmızı-qaralar" “Konstant van den Stok” stadionunda oyunqabağı son məşqə çıxacaqlar.
Xatırladaq ki, “Anderlext” – “Qəbələ” matçı sentyabrın 15-də keçiriləcək. Görüş Bakı vaxtı ilə saat 21:00-da başlayacaq.
