Azərbaycan cüdoçusu Bayram Mustafayev (66 kq) “Rio-2016” Yay Paralimpiya Oyunlarında final mərhələsinə yüksəlib.
Qaziler.az bildirir ki, APA-nın xəbərinə görə, Bayram Mustafayev ¼ finalda braziliyalı Halison Oliviera Botoya qalib gələrək yarımfinala adlayıb. Yarımfinalda cüdoçumuz yaponiyalı rəqibi Satoşi Fujimotoya qalib gələrək finala yüksəlib.Həlledici görüşdə cüdoçumuzun rəqibi Özbəkistan idmançısı Utkirjon Nigmatov olacaq.
