2026-cı ildə futbol üzrə Dünya çempionatı üç ölkədə keçirilə bilər. Meksika, ABŞ və Kanada bunun üçün birgə ərizə hazırlayırlar.

Qaziler.az Vesti.ru-ya istinadən xəbər verir ki, FİFA prezidenti Canni İnfantino çempionatın üç ölkədə keçirilə biləcəyini istisna etmir. Həmçinin DÇ-2026-da iştirakçı ölkələrin sayının 32-dən 40-a qədər artırılması ehtimalı var. Bu məsələlər 3-14 oktyabr tarixlərində FİFA-nın qərargahı Sürixdə müzakirə olunacaq.

Ekspertlər hesab edirlər ki, 2026-cı ildə futbol üzrə dünya Şimali Amerikada keçirilməsi ehtimalı böyükdür. Bu region 1994-cü ildən futbol üzrə dünya birinciliyinə ev sahibliyi etməyib.

Bundan əlavə Dünya çempionatı heç vaxt üç ölkədə birdən keçirilməyib.