Braziliyada təşkil olunan Yay Olimpiya Oyunları davam edir.

Qaziler.az bildirir ki, Apasport.az saytının məlumatına görə, bu gün mübarizəyə xanım güləşçilər də qoşulub.

Mübarizəyə 1/8 final mərhələsindən başlayan Mariya Stadnik 1/4 finalda Nina Matkovska (Polşa) ilə üz-üzə gəlib. Mariya iki il əvvəl dünya çempionatının yarımfinalında məğlub olduğu rəqibindən qisasını alıb. 10:0 hesabı ilə qələbə qazanan güləşçimiz görüşü vaxtından əvvəl başa vurub və yarımfinala yüksəlib.

Yarımfinalda təmsilçimiz bolqarıstanlı Elitsa Atanasova Yankovanı 6:0 hesabı ilə məğlub edərək finala vəsiqə qazanıb.