"Yunan-Roma üslubunda yarışan ukraynalı güləşçi Jan Belenyukun haqqı olan Olimpiyada qızıl medalını oğurlayıblar”.

Qaziler.az xəbər verir ki, bu barədəUkrayna gənclər və idman naziri İqor Jdanov"Facebook” səhifəsində yazıb.

"Bizim üçün Jan Belenyuk əsl çempiondur! Ədalətsiz idman görüşündə oğurlanan isə Olimpiya oyunlarında qələbə sayıla bilməz”, - məmur bildirib.

Avqustun 15-də 23 yaşlı rusiyalı Davit Çakvetadze (Kutaisidə doğulub) 85 kq çəki kateqoriyasında yunan-Roma üslubunda Olimpiyaçempionu olub. O, 25 yaşlı kiyevli Belenyuka (atası Ruandadan, anası Ukraynadandır) qalib gəlib. Sonuncu gümüş medal qazanıb.

Bürünc mükafatları belaruslu Cavid Hamzatov və alman Denis Kudla qazanıb.

Olimpiya oyunları Rio-de-Janeyroda avqustun 5-dən 21-nə qədər keçiriləcək.