Rio-de-Janeyroda keçirilən Olimpiya oyunlarına tamaşaçılar arasında çox böyük maraq var.

Qaziler.az-ın "Report"a istinadən yaydığı xəbərə, ümumilikdə, olimpiadaya 2,736 mln. bilet satılıb.
Bu barədə jurnalistlərə müsahibəsində Rio-2016-nın Təşkilat Komitəsinin ictimaiyyətlə əlaqələr şöbəsinin rəhbəri Mario Andrada deyib.
"Ümumilikdə, Olimpiya Oyunlarına 2 mln. 736 min bilet satılıb", -M. Andrada vurğulayıb.
Onun sözlərinə görə, yüngül atletika üzrə final yarışlarına bütün biletlər alınıb.
Xatırladaq ki, Olimpiya Oyunları Braziliyada avqustun 5-dən 21-dək keçirilir.