"Anji" klubunun yeni baş məşqçisi müəyyənləşib. Qol.az-ın klubun rəsmi saytına istinadən verdiyi məlumata görə, Mahaçqala təmsilçisini Pavel Vrba çalışdıracaq.
Artıq 52 yaşlı mütəxəssisin köməkçiləri də bəlli olub. Çexiyalı mütəxəssisə Duşan Fitsel, Aleksandr Boki və Martin Tixaçek köməklik edəcək. Lakin Vrbanın "Anji" ilə neçə illik müqavilə imzalaması haqda məlumat verilməyib.Qeyd edək ki, Vrba "Anji" ilə yanaşı, Çexiya millisində də baş məşqçi vəzifəsini yerinə yetirəcək.
