"Beşiktaş" futbolçusu Pedro Franko ilə yollarını ayırıb. Qol.az-ın "goal.com"a istinadən verdiyi məlumata görə, kolumbiyalı futbolçu karyerasını vətənində davam etdirəcək.
25 yaşlı futbolçu yenidən sabiq komandası "Millonarios" klubuna qayıdıb. Ötən mövsüm Argentinanın "San Lorenzo" klubunda icarə əsasında oynayan Franko "Beşiktaş"ın baş məşqçisi Şenol Günəşin planlarına daxil olmadığı üçün İstanbul təmsilçisindən ayrılıb.Qeyd edək ki, 2013-cü ildə "Millonarios"dan transfer olunan Franko "Beşiktaş"da keçirdiyi 39 oyunda 1 qol vurub.
