Bu gün Fransada rus və ingilis azarkeşlər arasında növbəti dava baş verib.

Qol.az-ın xarici KİV-lərə istinadən yaydığı xəbərə görə, hadisə Lill şəhərində olub.

Qeyd edək ki, Lill şəhərində sabah Rusiya və Slovakiya komandaları arasında görüş olacaq. İngilislərin oyunu isə Lansda keçiriləcək. Rusiya mətbuatı yazıb ki, ingilislər uelsli azarkeşlərlə birləşərək ruslara hücum ediblər. Britaniya mətbuatı isə əksini iddia edib.

“The Sun” qəzeti yazıb ki, hadisə şəhər restoranlarından birinin önündə yaşanıb. “Sky Sports”un məlumatına görə, davada iştirak edən iki rusiyalı azarkeş saxlanılıb.

Qeyd edək ki, bundan öncə hər iki ölkənin azarkeşləri arasında Matsel şəhərində kütləvi ixtişaş baş verib. Məlumata görə, həmin hadisələrdə yaralanan ingilis azarkeşlərdən biri bu gün dünyasını dəyişib.