İngiltərənin "Mançester Yunayted" klubu baş məşqçisi Lui van Qalla ayrılıb.

Qaziler.az Azadlıq Radiosuna istinadən bildirir ki, Britaniya mətbuatının yazdığına görə, 64 yaşlı hollandiyalı məşqçi ilə müqavilə ləğv edilib.

Klub buna görə ona 6,5 milyon avro təzminat ödəyəcək.

Van Qalı "Çelsi"nin keçmiş baş məşqçisi Joze Mourinyonun əvəz edəcəyi gözlənilir.

Britaniya mətbuatının yazdığına görə, Mourinyo "Mançster Yunayted"lə 5 illik müqavilə imzalayacaq və ilə 15 milyon avro qazanacaq.

2014-cü ildə "Mançester Yunayted"lə 3 illik müqavilə imzalayan van Qalın komandası ötən mövsüm Premyer Liqada 5-ci olub, amma Federasiya kuboku qazanıb.

Yaxın vaxtlarda onun klubdan gedəcəyi ilə bağlı rəsmi açıqlama gözlənilir.