"İnter"in prezidenti Georgi Nikolov klubun sahibi Cahangir Hacıyevin istefasına münasibət bildirib. Qol.Az-ın sportnet.az-a istinadən yaydığı xəbərə görə, G.Nikolov C.Hacıyevin Azərbaycan Beynəlxalq Bankının İdarə Heyətinin sədri vəzifəsindən istefasının onun üçün gözlənilməz olduğunu deyib:

"Çünki o, istefadan öncə heç mənə heç nə deməmişdi. Bu istefanın klubumuzun gələcək taleyinə necə təsir edəcəyini indidən deyə bilmərəm. Vəziyyətə aydınlıq gəlməsini gözləyək. Sonra bu barədə danışmaq olar".
Xatırladaq ki, Azərbaycan Beynəlxalq Bankının Müşahidə Şurasının martın 18-də keçirilmiş iclasında Bankın İdarə Heyətinin sədri Cahangir Hacıyevin səhhəti ilə əlaqədar tutduğu vəzifədən azad edilməsi barəsində ərizəsi təmin edilib.