Mayın 5-21-i aralığında Bakıda keçiriləcək 17 yaşadək futbolçular arasında Avropa çempionatının iştirakçısı olan Hollandiya millisinin yekun heyəti bəlli olub. Qol.az-ın məlumata görə, "narıncılar"ın baş məşqçisi Kees van Vonderen Bakıya gətirəcəyi 18 futbolçunu müəyyənləşdirib. Qeyd edək ki, D qrupunda İspaniya, Serbiya və İtaliya ilə mübarizə aparacaq Hollandiya millisi paytaxtımıza mayın 3-də gələcək.

Hollandiyanın Bakıya gələcək heyəti belədir: Navayo Bakbord ("Ayaks"), Castin Kluvert ("Ayaks"), Mathiys de Liqt ("Ayaks"), Çe Nunneli ("Ayaks"), Ouen Vijndal ("AZ Alkmaar"), Tahit Çonq ("Feyenoord"), Leandro Fernandes (PSV), Ferdi Kadioğlu ("Neymegen"), Castin Lonviyk (PSV), Tirell Malasia ("Feyenoord"), Donyell Malen ("Arsenal"), Mayk van de Meulenhof (PSV), Boyd Reit ("Feyenoord"), Paskal Struiyk ("Den Haaq"), Yordan Teze (PSV), Dilan Vente ("Feyenoord"), Menno Vink ("Utrext"), Jordi Vehrmann ("Feyenoord").