PSJ-nin futbolçusu Zlatan İbrahimoviç Çempionlar Liqasının bombardirlər siyahısında Andrey Şevçenkoya çatıb. Qol.az-ın xarici KİV-lərə istinadən yaydığı xəbərə görə, bu, ÇL-in 1/4 finalında "Mançester Siti"yə qarşı matçda baş verib. Oyunun 41-ci dəqiqəsində fərqlənən isveçli hücumçu sözügedən turnirdə qollarının sayını 48-ə yüksəldib.
Bununla da A.Şevçenkoya çatan Z.İbrahimoviç ÇL-in bombardirlər siyahısında ukraynalı futbolçu ilə birgə 6-cı pilləni bölüşdürürlər.
