Türkiyə Superliqasında XXIV turun digər oyunları keçirlib. Lent.az-ın apasport.az-a istinadən məlumatına görə, həftənin açılış günündə 2 qarşılaşma baş tutub. “Bursaspor” evində “Balıkəsirspor”a 4:2, “Konyaspor” “Kasımpaşa”ya 2:1 hesabı ilə qalib gəlib.

Lider “Qalatasaray” “Başakşəhər”i qəbul edib. Hesabda 2 top fərqi ilə öndə olan “Cim-Bom” üstünlüyünü qoruya bilməyib. Görüşdə “aslanlar” heç-heçəyə razılaşıb – 2:2.

“Qalatasaray”ın xal itirməsindən rəqibləri üçün əla şans olub. Belə ki, “Beşiktaş” “Ərciyəsspor”u sınağa çəkib. “Qara qartallar” 5:1 hesabı ilə rəqibini məğlub edərək, zirvəni ələ keçirib.

“Fənərbaxça” isə “Gənclərbirliyi”nin qonağı olub. “Sarı bülbüllər” 2:1 hesabı ilə uduzub.

Tura “Qaziantepspor” – “Trabzonspor” oyunu ilə yekun vurulacaq.


Türkiyə Superliqası
XXIV tur
13 mart
“Bursaspor” – “Balıkəsirspor” - 4:2
Qollar: Josue, 15, Holmen, 36, Fernandao, 73-pen, Ünal, 84 - Ünal, 25; 30

“Konyaspor” – “Kasımpaşa” - 2:1
Qollar: Kabze, 21; 40-pen – Donk, 19

14 mart
“Akhisar” – “Karabükspor” - 5:1
Qollar: LuaLua, 18, Vural, 33, Vaz Te, 57; 79, Gekas, 90 – Traore, 39-pen

“Rizəspor” – “Sivasspor” - 2:1
Qollar: Kueuke, 46; 50 – Eşər, 52

“Qalatasaray” – “Başakşəhər” - 2:2
Qollar Selcuk İnan, 43, Umut Bulut, 49 - Batdal, 79, Şahin, 85

15 mart
“Əskişəhərspor” – “Mersin İdmanyurdu” - 2:0
Qollar: Öztür, 25, Şişmanoğlu, 35

“Beşiktaş” – “Ərciyəsspor” - 5:1
Qollar: Törə, 25, Demba Ba, 34-pen, Şahan, 45+1, Pektemek, 77, Roman, 79 - Drente, 48

“Gənclərbirliyi” – “Fənərbaxça” - 2:1
Qollar: Petroviç, 37, El Kabir, 87 - Topal, 72

16 mart
22:00 “Qaziantepspor” – “Trabzonspor”