Bu gün Marburqda DVAG şirkəti və Mixael Şumaxerin 20 illik əməkdaşlığına həsr olunmuş “Mixael Şumaxer – çempionluq sayına görə rekordsmen” adlı sərgi fəaliyyətə başlayıb. Trend "F-1.az" saytına istinadən xəbər verir ki, sərgi konqres mərkəzinin binasında fəaliyyətə başlayıb və 2 il ərzində qonaqlara xidmət göstərəcək. Sərginin açılışında M.Şumaxerin həyat yoldaşı Korinna, qızı Cina-Mariya, oğlu Mik, atası Rolf və meneceri Sabine Kem iştirak ediblər.
S.Kem deyib: “Sərgi Mixaelin Benetton-da, Ferrari-də və Mercedes-dəki çıxışlarını xatırlatmağa imkan verir. Şumaxerlər ailəsi DVAG şirkətinin bu addımından çox şad olublar. Şumaxer əfsanədir və "Formula 1" tarixinin ən uğurlu pilotudur. Əfsuslar olsun ki, o, indi bizimlə bu sevinci bölüşə bilmir. Biz səbirli olmalıyıq və onu burada görmək ümidi ilə ona dəstək olmalıyıq”.Şumaxerin xatirəsinə sərgi açılıb
