"Palermo" klubunun yeni baş məşqçisi müəyyənləşib. Qol.Az-ın "Football İtalia"ya istinadən verdiyi məlumata görə, komanda Covanni Bosiyə həvalə olunub.
Daha öncə əvəzedici komandanı çalışdıran Bosi yeni vəzifəsində Barroso Skelottonu əvəzləyib. UEFA Skelottonun məşqçi lisenziyasını təsdiq etmədiyindən argentinalı mütəxəssis "Palermo"nun baş məşqçi vəzifəsindən kənarlaşdırılıb.
Qeyd edək ki, "Palermo" A Seriyasında geridə qalan 24 turdan sonra 26 xalla turnir cədvəlinin 15-ci pilləsində qərarlaşıb.
