Transferlərə milyonlar xərcləyən Çin klubları bu dəfə türkiyəli dünya ulduzu Arda Turana elçi düşüb. Axar.az xəbər verir ki, “Sohu Sports” saytının yaydığı məlumata görə, Şanxayın SİPG və paytaxt Pekinin “Qouan” klubları “Barselona”ya təklif göndərib.
Çin klublarının 29 yaşlı forvard üçün İspaniya nəhənginə üst-üstə 100 milyon avro təklif etdiyi bildirilir.Kataloniyalılar səslənən iddialara hələlik cavab verməyib.
Xatırladaq ki, Arda Turan 34 milyon avro məbləğ qarşılığında “Atletiko”dan “Barselona”ya keçib.
