"Barselona" klubu müdafiəçisi Daniel Alveşlə müqavilə yeniləmək qərarına gəlib. Qol.Az-ın "sport.es"ə istinadən verdiyi məlumata görə, Kataloniya təmsilçisi braziliyalı futbolçu ilə 2+1 sistemi üzrə müqavilə imzalamaq niyyətindədir.
"Barselona" daha öncə "Portu"nun müdafiəçisi Danilonu transfer etməyi planlaşdırırdı. Lakin "Portu"nun və futbolçunun "Barsa"dan yüksək məbləğ tələb etməsi İspaniya təmsilçisini çətin vəziyyətdə qoyub. Bu səbəbdən "Barselona" Alveşlə müqavilə yeniləmək qərarına gəlib.Qeyd edək ki, mövcud müqaviləsi cari mövsümün sonunda başa çatacaq 31 yaşlı futbolçunun "Barselona"nın təklifini müsbət qarşıladığı bildirilir.
