Səudiyyə Ərəbistanının "Əl-Nəsr" klubunun futbolçusu Kriştiano Ronaldo Yaxın Şərqin ən yaxşı oyunçusu mükafatına namizəd göstərilib.
Qaziler.az xəbər verir ki, bu barədə "Sport24" məlumat yayıb.
Bildirilib ki, Ronaldo 2023-cü ildən bəri ardıcıl qazandığı bu mükafatın hazırkı sahibidir. "Globe Soccer Awards" mükafatlandırma mərasimi dekabrın 28-də Dubayda (BƏƏ) keçiriləcək.
Qeyd edək ki, noyabrın 5-də Ronaldo Portuqaliya millisindəki karyerasını başa vurduğunu elan edib.
Xatırladaq ki, milli komandaların oyunları üçün yaranan fasilə zamanı Ronaldo ilə Portuqaliya yığmasının baş məşqçisi Jorje Jezuş arasında münaqişə baş verib. Məşqçi ilə mübahisəyə görə millinin düşərgəsini özbaşına tərk edən 41 yaşlı futbolçu Millətlər Liqasında Norveçlə matçda məşqçinin qərarı ilə heyətə daxil edilmədikdən sonra yığmanın son üç məşqini buraxıb. Jezuşun Danimarka ilə qarşıdakı oyunda Ronaldoya heyətdə yer təminatı vermədiyi mətbuat konfransından sonra Kriştiano hava limanına yollanaraq öz şəxsi təyyarəsi ilə uçub.
QAZİLER.AZ

