Rusiya Karate Federasiyası 21 rusiyalı idmançının gənclər, yeniyetmələr və 21 yaşadək idmançılar arasında Dünya Gənclər Çempionatının keçirildiyi Polşadan qovulduğunu bildirib.

Qaziler.az bildirir ki, bu barədə TASS məlumat yayıb.

Federasiya nümayəndəsinin sözlərinə görə, Polşa rusiyalılara viza verməkdən imtina edib. İdmançılar ölkəyə digər ölkələrin vizaları ilə daxil olublar və daha sonra vizalardan başqa məqsədlər üçün istifadə etdiklərinə görə qovulublar. Federasiya bu ssenarini əvvəlcədən gördüyünü və buna görə də Polşaya rəsmi nümayəndə heyəti göndərmədiyini bildirib.

Nümayəndə həmçinin əlavə edib ki, bir neçə rusiyalı cərimələnib və sonradan ölkədən qovulub. İdmançılara qarşı başqa heç bir tədbir görülməyib.

Turnir 14-18 oktyabr tarixlərində Belsko-Byalada keçirilib. Rusiya karateçiləri yarışda iştirak etməyi planlaşdırırdılar, lakin heç birinin qeydiyyatdan keçməsinə və ya iştirak etməsinə icazə verilməyib.

QAZİLER.AZ