Argentina millisinin hücumçusu Lionel Messi milli komandadakı son oyunu öncəsi sosial şəbəkələrdə foto paylaşıb.

Qaziler.az xəbər verir ki, 39 yaşlı hücumçu çəhrayı idman gödəkçəsində axşam məşqindən olan bir kadrı izləyiciləri ilə bölüşüb.

Qeyd edək ki, oktyabrın 6-dan 7-nə keçən gecə futbolçu milli komandanın heyətində Benin yığmasına qarşı vida oyununu keçirəcək.

2026-cı il dünya çempionatında Messi səkkiz qol vuraraq, on qol vuran Kilian Mbappedən sonra ikinci yerdə qərarlaşıb. Xatırladaq ki, 2026-cı il dünya çempionatının finalında İspaniya millisi Argentina komandasını 1:0 hesabı ilə məğlub edib. Görüşün əsas vaxtı heç-heçə (0:0) başa çatıb, ikinci əlavə vaxtda isə yeganə qolu "Barselona"nın 26 yaşlı hücumçusu Ferran Torres vurub.

Amerikanın "İnter Mayami" klubuna keçməzdən əvvəl Messi Fransanın "Pari Sen-Jermen" və İspaniyanın "Barselona" klublarında çıxış edib. O, "Barselona" ilə dörd dəfə Çempionlar Liqasının qalibi olub, həmçinin üç dəfə UEFA Superkubokunu və Klublararası Dünya Çempionatını qazanıb.

QAZİLER.AZ