Lənkəran klubunun dağılmasından söhbət gedə bilməz. Axar.az xəbər verir ki, bunu “Xəzər Lənkəran”ın vitse-prezidenti Tuyqun Nadirov deyib. O, Supersport.az-a bildirib ki, klubun sahibi Mübariz Mənsimov dəstəyini əsirgəmir:
“Komandamızın məqsədi futbolumuza fayda verməkdir. Bu gün onlarla futbolçumuz müxtəlif yığma komandalar, klublarda çıxış edir. Yanvarda FİFA-nın transfer qadağası bitəcək.Baş məşqçinin istəyinə uyğun olaraq, yeni futbolçular cəlb olunacaq. Məqsədimiz ölkə kubokuna yiyələnərək, Avroliqaya vəsiqə qazanmaqdır”.
