Dünya çempionatının yarımfinal matçından sonra İngiltərə və Argentina yığmalarının azarkeşləri arasında dava düşüb.

Qaziler.az xəbər verir ki, bu barədə "The Sun" qəzeti məlumat yayıb.

Toqquşma Atlantadakı "Mercedes-Benz Stadium" stadionunun yaxınlığında baş verib. Polis bir neçə nəfəri saxlayıb.

Yarımfinal oyununda Argentina İngiltərəni 2:1 hesabı ilə məğlub edib.

Matçın 55-ci dəqiqəsində ingilislər hesabı açıblar — Entoni Qordon Rocersin ötürməsini qolla tamamlayıb. 85-ci dəqiqədə Entso Fernandes uzaq məsafədən güclü zərbə ilə hesabı bərabərləşdirib. Qələbə qolunu isə 90+2-ci dəqiqədə künc zərbəsindən ötürmədən sonra Lautaro Martines vurub.

İyulun 19-da Nyu-Yorkda keçiriləcək finalda Argentina daha əvvəl Fransanı 2:0 hesabı ilə məğlub edən İspaniya ilə qarşılaşacaq. İngiltərə isə üçüncü yer uğrunda oyunda Fransa ilə mübarizə aparacaq.

Futbol üzrə dünya çempionatı iyunun 11-də ABŞ, Meksika və Kanadada start götürüb və iyulun 19-dək davam edəcək.

QAZİLER.AZ