"Barselona" və Argentina millisinin lideri Lionel Messi imzalanmış futbol formasını Ronaldinyoya hədiyyə edib.

ANS PRESS-in məlumatına görə, Ronaldinyo isə öz növbəsində, hədiyyənin fotosunu öz "İnstaqram" hesabında paylaşıb və Messiyə təşəkkürünü bildirib.

Messinin bu jesti "Barselona" klubunun "Real Madrid" üzərində qələbəsinin 10 illiyinə həsr olunan video çarxa daxil olunub. "Santyaqo Bernabeu"da baş tutan oyunda "Real" klubunun azarkeşləri Ronaldinyonu alqışlayıblar.



Xatırladaq ki, İspaniya La liqasının 2005/2006 mövsümünün 12-ci turu çərçivəsində "Real Madrid" klubu "Santyaqo Bernabeu"da "Barselona"nı qəbul edib. Həmin oyun Kataloniya klubunun 3:0 hesablı qələbəsi ilə nəticələnib və həmin oyunda Ronaldinyo "Real"ın qapısına 2 qol vurub.