Futbol üzrə Mavritaniya Super Kubokunun finalında indiyə kimi görünməmiş hadisə baş verib. AZƏRTAC “Bleacher Report” saytına istinadla xəbər verir ki, ölkə prezidenti Məhəmməd Əbdül Əziz "Tevraq-Zeyna" və "Ksar" komandaları arasında keçirilən oyunu 63-cü dəqiqədə dayandırıb.
Matçı tribunadan izləyən Mavritaniya dövlət rəhbəri hesab edib ki, 1:1 hesabı ilə davam edən Super Kubok oyunu çox darıxdırıcı məcrada keçır. O, bu səbəbdən komandalara birbaşa on bir metrlik cərimə zərbələrini yerinə yetirməyə göstəriş verib.Nəticədə "Tevraq-Zeyna" penaltilərin öhtəsindən daha dəqiq gəlməklə kuboka sahib çıxıb.
