“Filadelfiya İqlız”ın “Super Bowl”dakı çempionluğuna həsr olunan parad zamanı iki qadın güllələnib.

QAZİLER.AZ  Publika.az-a istinadən xəbər verir ki, bu barədə Filadelfiya Polis Departamenti məlumat yayıb.

Hər iki qadın dərhal xəstəxanaya çatdırılıb. Vəziyyətləri stabildir. Hazırda araşdırma aparılır, lakin nə hadisə yeri müəyyən edilib, nə də silah tapılıb.

Polis heç kimi həbs etmədiklərini və hadisə ilə bağlı məlumatı olan hər kəsdən onlarla əlaqə saxlamağı xahiş etdiyini bildirib.

Qeyd edək ki, ötən il də bayram paradında atışma olub. “Kansas Siti Çiyefs”in qələbəsinin qeyd edilməsi zamanı 1 nəfər ölüb, ən azı 22 nəfər yaralanıb.