İnternetdə Yunanıstan PAOK komandasının futbolçularının milli çempionat matçından sonra Afina AEK-in azarkeşləri ilə döyüşdüyünü əks etdirən görüntülər yayılıb. Komandanın rusiyalı yarımmüdafiəçisi Maqomed Ozdoyev də münaqişədə iştirak edib və onu üç aya qədər həbs və cərimə gözləyir.

Qaziler.az bildirir ki, RİA Novosti-nin təqdim etdiyi kadrlarda AEK-in üç azarkeşinin "parkovka"da PAOK oyunçularının olduğu avtobusun qarşısında dayanaraq nə isə qışqırdığı görünür. Bundan sonra futbolçular və məşqçilər korpusunun üzvləri avtobusdan düşməyə başlayıblar.

Dava özü dekabrın 18-də dayanacaqda baş verib. Daha sonra idman prokuroru cinayət işinin açıldığını açıqlayıb. Daha dörd futbolçunu həbs gözləyir. Təqsirləndirilən şəxslər işin başlandığı gündən 10 gün müddətinə diskvalifikasiya olunurlar.

Bundan əvvəl Parisdə Fransa və İsrail yığmalarının azarkeşlərinin dava etdiyi bildirilirdi. Qeyd olunur ki, Avropa komandasının azarkeşləri Yaxın Şərq ölkəsinin himninin ifası zamanı fit çalmağa başlayıb, bundan sonra onlarla azarkeş kütləvi davaya başlayıb.

QAZİLER.AZ