Türkiyə millisinin sabiq hücumçusu Burak Yılmaz Moskva “Lokomotiv”inə keçidinin uğursuzluğu ilə bağlı maraqlı əhvalat danışıb.

QAZÍLER.AZ  Publika.az-a istinaden xəbər verir ki, tarixdəki faktlara nəzər salsaq, Yılmaz 2012-ci ildə “Loko” ilə müqavilə bağlaya bilərdi.

“Lui Vuitton” çamadanım hələ də Moskvada bir yerdədir. “Lokomotiv”lə müqavilə bağlamaq fikrində idim ki, Əbdürrəhim Albayrak (“Qalatasaray”ın idarə heyətinin üzvü) mənə zəng edib dedi: “Müqaviləni imzalama, sənin arxanca gəlirəm”.

“Loko”nun rəhbərləri mənim qaça biləcəyimi başa düşdükdə, bunu etməməyim üçün çamadanımı götürdülər. Onlara dedim ki, bir az gəzmək istəyirəm.

Pasportum və pulqabım yanımda idi, ona görə də Əbdürrəhim məni götürməyə gələndə getdik və “Qalatasaray”la müqavilə bağladım”, – Yılmazın sözlərini “3-4-3” sitat gətirib.

Burak Yılmaz Türkiyə millisində 77 oyun keçirib və 31 qola imza atıb. O, 2023-cü ildə karyerasını bitirib.