"Tottenhem"in cinah oyunçusu Son Hın-Minin atası Son Un-Junq öz akademiyasının gənc futbolçusu ilə pis rəftar etdiyi üçün cərimələnib.

QAZÌLER.AZ  Publika.az-a istinaden xəbər verir ki, onunla birlikdə eyni akademiyanın daha iki məşqçisi də sanksiyaya məruz qalıb. Bu barədə "Yonhap" məlumat yayıb.

Mənbənin sözlərinə görə, Çunçeon Regional Prokurorluğun qərarına əsasən, onlar açıqlanmayan pul cəriməsini ödəməklə yanaşı, təlimçilərin uşaqlara qarşı zorakılığın qarşısının alınmasına yönəlmiş təlim proqramı keçməlidirlər.

Mart ayında akademiya oyunçularından birinin valideyni polisə məşqçilərin məşqdə səhvlərinə görə gənclərə qarşı nalayiq ifadələr işlətdiyini bildirib. Bundan əlavə, valideyn övladlarının Yaponiyada təlim-məşq toplanışı zamanı künc bayrağı ilə vurulduğunu iddia edib.