Parisdə keçirilən Olimpiya Oyunlarında haqsızlıqla üzləşən, mediada transseksual adlandırılan boksçulara döyüşdə məğlub olan idmançılar Beynəlxalq Boks Assosiasiyası (BBA) tərəfindən mükafatlandırılacaqlar.

Qaziler.az xəbər verir ki, bunu BBA-nın prezidenti Umar Kremlev “Telegram” kanalında bildirib. O qeyd edib ki, mükafat Olimpiadada birinci yerin mükafatı ilə eyni olacaq.

“BBA zədələnmiş qadın boksçuları Olimpiadada birinci yeri tutduqları kimi mükafatlandıracaq. Biz hamının müdafiəsinə qalxacağıq və təbii ki, gender ayrı-seçkiliyinə qarşı qoruyacağıq! İndi Olimpiya Oyunlarında baş verənlər bütün dövrlərin biabırçılığıdır”, - Kremlev yazıb.

Qeyd edək ki, italyan idmançı Anjela Karini əlcəzairli transgender İman Xəliflə qalmaqallı döyüşdən sonra boksdan birdəfəlik getmək qərarına gəlib. Xatırladaq ki, onların döyüşü başladıqdan 46 saniyə sonra başa çatıb. Səbəb isə Karininin transgender rəqibinin zərbələrinin ağırlığına dözməməsi olub. 

QAZİLER.AZ