Azərbaycanın 20 yaşadək oğlanlardan ibarət basketbol millisi Avropa çempionatında mübarizəyə başlayıb.
QAZÌLER.AZ Axar.az-a istinaden xəbər verir ki, B divizionunun B qrupunda mübarizə aparan yığma ilk oyununu Portuqaliya seçməsinə qarşı keçirib. Görüş rəqibin 90:34 hesablı qələbəsi ilə yekunlaşıb.
Alberto Blankonun rəhbərlik etdiyi komandanın növbəti görüşləri iyulun 13-də Böyük Britaniyaya, iyulun 14-də İrlandiyaya və iyulun 17-də Niderlanda qarşı olacaq.
Qeyd edək ki, Rumıniyanın Piteşti şəhərində təşkil olunan Avropa çempionatı iyulun 21-dək davam edəcək.
