Avropa Liqasında qrup mərhələsinin növbəti oyunları keçirilib. Apasport.az saytının məlumatına görə, III tur çərçivəsində 12 qrupda 24 qarşılaşma baş tutub. Təmsilçimiz “Qəbələ”nin yer aldığı C qrupunun digər matçında PAOK “Krasnodar”ı qonaq edəcək. Qrup ikinciliyi uğrunda mübarizə aparan komandaların görüşündə heç-heçə qeydə alınıb ki, bu da təmsilçimizin işinə yarayıb.

J qrupunda “Monako” – “Qarabağ” oyunu ilə eyni vaxtda “Tottenhem” Belçikada “Anderlext”lə üz-üzə gəlib. Təmsilçimiz üçün bu matçda ən münasib nəticə qrup liderliyinə əsas namizəd olan İngiltərə klubunun səfərdə uduzmaması olardı, ancaq belçikalılar buna imkan verməyib. İngilislər oyundan 1:2 hesablı məğlubiyyətlə ayrılıblar.

Qardaş Türkiyənin də iki komandası – “Fənərbaxça” ilə “Beşiktaş” növbəti sınaqlarına çıxıblar. A qrupunda sonuncu yerdə qərarlaşan birincilər “Ayaks”ı məğlub ediblər. H qrupunun ikincisi “Beşiktaş” isə hələ xal itirməyən “Lokomotiv”i Rusiyada büdrədib - 1:1.