Çempionlar liqasının "F" qrupunda yer alan Londonun "Arsenal" klubu öz meydanında "Bayern"i qəbul edib. ANS PRESS-in məlumatına görə oyun "Emireyts" stadionunda baş verib.

Oyunda hesab matçın 77-ci dəqiqəsində meydan sahibləri tərəfindən açılıb. Olivye Jiru Manuel Noyerin çıxışdakı səhfindən yararlanaraq "Arsenal"ı hesabda önə keçirib.

Matçın 90-cı dəqiqəsində Məsut Özil vurduğu qolla "Arsenal"ın "Bavariya" üzərində 2:0 qələbəsini rəsmiləşdirib.

"Arsenal" - "Bayern" oyunu

"F" qrupu çərçivəsində "Arsenal" klubu ötən tur öz meydanında "Olimpiakos"u qonağ edib. Həmin oyunda "Arsenal" klubu 2:3 hesabı ilə məğlub olub.

"Bayern" klubu isə ötən tur "Alyans Arena"da Zaqreb "Dinamo"sunu qəbul edib. Oyun "pivəçilərin" 5:0 hesablı qələbəsi ilə nəticələnib.