Beş çəki dərəcəsində keçmiş dünya çempionu, hazırda isə Şöhrət Zalının üzvü, məğlubiyyətsiz əfsanəvi amerikalı boksçu kiçik Floyd Meyvezer peşəkar boksdakı statusundan danışıb.

Qaziler.az bu barədə “Çempionat.com”a istinadla xəbər verir.

“Əslində mən hələ də boksun simasıyam. Şuqar Rey Robinson, Məhəmməd Əli və Rey Leonard kimi kəslərə minnətdarlığımı bildirmək istərdim, çoxlu oğlanlar mənim yolumu açdılar. Ancaq indi bircə Floyd Mayvezer var və bu döyüşçülər məndən yaxşı deyil", - Meyvezer “YouTube” kanalı “The Pivot Podcast”a müsahibəsində deyib.

Xatırladaq ki, Meyvezer 2017-ci ildə idmandan ayrılıb. Ümumilikdə o, 50 döyüş keçirib (27-si nokautla), heç bir məğlubiyyəti yoxdur. 21 illik rəqabətdə amerikalı dünya titulları uğrunda 24 döyüşdə qalib gəlib və həmçinin 24 hazırkı/keçmiş dünya çempionunu məğlub edib.

QAZİLER.AZ