Dnepropetrovsk “Dnepr”inin və bir sıra digər komandaların sabiq müdafiəçisi Boqdan Şerşun qəflətən vəfat edib.

Qaziler.az bildirir ki, bu barədə teleaparıcı Vladimir Zverov məlumat verib.

Keçmiş futbolçu və tele-ekspert 42 yaşında dünyasını dəyişib. Ölümün səbəbi hələ də məlum deyil, lakin bir sıra mənbələr ağır və uzun sürən xəstəlik haqqında yazıblar.

"Çox çətindir. Boqdan Şerşun vəfat etdi" deyə "ProFutbol" televiziya proqramında tanınmış müdafiəçi ilə əməkdaşlıq etmiş Zverov qısa şəkildə yazdı.

Şerşun peşəkar karyerasını 2014-cü ildə başa vurub. Həmin vaxtdan həvəskarlar səviyyəsində çıxış edib, veteranlar arasında Ukrayna millisinin şərəfini qoruyub, mediada ekspert kimi fəaliyyət göstərib.

Keçmiş futbolçu UEFA-nın A kateqoriyalı məşqçilik diplomunu da alıb.

QAZİLER.AZ