Yüngül çəkidə Ultimate Fighting Championship (UFC) üzrə Rusiya çempionu İslam Mahaçev ESPN-in versiyasına görə ilin ən yaxşı döyüşçüsü seçilib. 

Qaziler.az bildirir ki, post İnstaqramda paylaşılıb.

Mənbə idmançını Həbib Nurməhəmmədovun varisi, 2023-cü ili isə karyerasında ən uğurlusu adlandırıb. Jurnalistlərin sözlərinə görə, avstraliyalı Aleksandr Volkanovski ilə döyüşlərdə o, özünü əsl çempion kimi göstərib.

Dekabrın 15-də "The World MMA Awards" Mahaçevin fevral ayında Volkanovski ilə döyüşünü 2023-cü ilin ən yaxşısı adlandırıb. Rusiyalı idmançı ilk dəfə titulunu qoruyaraq yekdil qərarla qalib olub.

Oktyabrın 21-də Mahaçev Volkanovskini birinci raundda nokaut edərək ikinci dəfə UFC yüngül çəkidə çempionluq kəmərini qoruyub.

32 yaşlı rusiyalı karyerası ərzində 26 döyüş keçirib və bu döyüşlərdə 25 qələbə qazanıb, yalnız bir dəfə uduzub. O, çəki dərəcələrindən asılı olmayaraq UFC reytinqinə başçılıq edir.

QAZİLER.AZ