Qarışıq döyüş növləri (MMA) üzrə israilli döyüşçü Haim Qozali üzərində Həbib Nurmuhammədov, Həmzət Çimayev, İslam Mahaçev və Belal Muhammədin adları yazılan mərminin şəklini paylaşıb.

Qaziler.az “Gazeta.ru”ya istinadla bildirir ki, o bu barədə “X” sosial şəbəkəsində paylaşım edib. İsrailli idman ustası şəklə belə şərh verib:

"Bu mesaj məndən siçovullaradır...", - yazan Qozali son sözünü emoji ilə əvəz edib.

Qeyd edilib ki, mərmi üzərində adı çəkilən bütün döyüşçülər əvvəllər İsraillə münaqişədə Fələstini dəstəkləyiblər. Hətta Çimaev Çeçenistan rəhbəri Ramzan Kadırovdan onu döyüş bölgəsinə göndərməyi xahiş edib.

QAZİLER.AZ