“Real”ın baş məşqçisi Karlo Ançelotti komandanın sabiq futbolçusu, hazırda “Sevilya”nın müdafiəçisi Serxio Ramos haqda danışıb.

QAZİLER.AZ  Lent.az-a istinadla xəbər verir ki, Ançelotti Ramosu görmək və salam vermək istədiyini bildirib:

“Rəhbərlik etdiyim bütün oyunçulara sevgim var, amma onun üçün xüsusi bir sevgim var. Bu gün buradayamsa, bu, yalnız Serxio Ramosun sayəsindədir.

2014-cü ildə Çempionlar Liqasının finalında qol vurmasaydı, yəqin ki, burada olmazdım. Buna və bu klub üçün etdiyi hər şeyə görə hamı onu çox sevir. Ümid edək ki, o, qol vurmayacaq, amma vursa, istədiyi kimi qeyd edə bilər”.

Qeyd edək ki, bu gün, oktyabrın 21-də İspaniya çempionatının 10-cu turunun oyunu çərçivəsində “Real Madrid” və “Sevilya” komandaları qarşılaşacaq.