Qazaxıstanlı boksçu Musa Tursınqaliev (10-0, 6 KO) uzun fasilədən sonra rinqə qayıtmağı planlaşdırır.

Qaziler.az Sports.kz-ə istinadən xəbər verir.

BoxRec.com-un məlumatına görə, Tursinqaliyevin geri dönüşü oktyabrın 28-də ABŞ-ın Florida ştatının Mayami şəhərində baş tutacaq. Rəqib meksikalı Pablo Batres (10-23-2, 3 KO) olacaq.  

Qeyd edək ki, Qazaxıstandan olan “Döyüşçü” 2019-cu ilin yayından döyüşməyib. Musa bu günə qədərki son çıxışında 6-cı raundda texniki qərarla Panama boksçusu Rikardo Nunesi (29-13, 23 KO) məğlub edib.

Bundan sonra o, dəfələrlə rinqə qayıtmağa cəhd etsə də, müxtəlif səbəblərdən döyüşlər baş tutmayıb.