İsveçli boksçu Vallin rusiyalı Murat Qasiyevlə əl sıxmaqdan imtina edib.

Qaziler.az bildirir ki, isveçli boksçu Otto Vallin rusiyalı Murat Qasiyevlə əl sıxmaqdan imtina edib. RİA Novosti bu barədə Rusiya Boks Federasiyasına istinadən xəbər verir.

Hadisə onların Türkiyədəki döyüşündən əvvəl çəki ölçmə zamanı baş verib.

Ağır çəkidə döyüş sentyabrın 30-da baş tutacaq.

“Mən burada onunla dost olmaq üçün deyil, onu məğlub etmək üçün gəlmişəm. Bu, dostluq axşamı deyil, boksdur. Mən Murata boksçu kimi hörmət edirəm”, - deyə Vallin bildirib.

Qasiyev rəqibinin qərarını normal qəbul etdiyini və incimədiyini bildirib.

Qasiyev Beynəlxalq Boks Federasiyasının (IBF) və Dünya Boks Assosiasiyasının (WBA) keçmiş çempionudur. Rusiyalının 30 qələbəsi və bir məğlubiyyəti var, digər döyüş isə etibarsız sayılıb.

Vallinin 25 qələbə və bir məğlubiyyəti var.

QAZİLER.AZ