"Şahruddin bu komandada birinci qapıçı ola bilmir".

Qaziler.az xəbər verir ki, bu fikirləri politoloq Nazim Cəfərsoy paylaşıb. Futbol həvəskarı kimi o, "Qarabağ"-"Rakuv" matçını qısa şərh edib:

" "Qarabağ"ın "Rakuv"a 2-3 uduzduğu oyunda hər 3 qol müdafiənin kobud səhvidir. İlk iki qol biabırçılıqdır, 3-cü qolda da Şahruddin qoruduğu küncə 75 dərəcədə gələn topu çıxarda bilmir.

Təəssüf ki, Şahruddin bu komandada birinci qapıçı ola bilmir. Bir oyunda bir qapıçı üçün biri çox kobud olmaqla iki səhv bağışlanılmazdır. Bunu hər oyunda təkrarlamaq isə əsla bağışlanmaz!

"Qarabağ" təcili bir normal əsas qapıçı almalıdır!

Ümumulikdə, böyük səhvlər olmasa "Qarabağ" bu komandanı Bakıda fərqlə udacaq səviyyədədir, ancaq müdafiə belə oynasa çempionlar liqası xəyaldır".

QAZİLER.AZ