Bu gün Avropa Liqasının qrup mərhələsinə start veriləcək. Azərbaycanı turnirdə təmsil edən iki klubdan biri olan "Qarabağ" ilk turda İngiltərənin "Tottenhem" klubunun qonağı olacaq.

Lent.az fanat.az-a istinadən xəbər verir ki, oyundan əvvəl "Transermarkt"ın iki komandanın Avropa Liqası üçün sifariş etdiyi futbolçulara qoyuduğu qiymətlərə nəzər yetirilib.

Məhur alman saytı "Tottenhem"in sifariş ərizəsindəki 23 futbolçuya (yalnız A listi, B listi nəzərə alınmayıb) 273 milyon avro qiymət qoyub. "Qarabağ"ın 24 nəfərlik A listinin ümumi dəyəri isə 12 milyon 650 min avrodu. Bu isə iki komandanın heyəti arasında 260 milyon 350 avro fərqin olması deməkdi.

"Tottenhem"in ən dəyərli oyunçusu Kristian Eriksendi. "Transfermarkt" ona 27 milyon avro qiymət qoyub. "Qarabağ"ın ən dəyərlisi olan yeni transfer Miçelin isə cəmi 1 milyon 500 min avro dəyəri var. İnglis klubunun heyətindəki ən ucuz futbolçular - Aleks Pritçard və Tom Karroll belə ondan bir dəfə bahadı.