Portuqaliyalı futbolçu Kriştiano Ronaldo İspaniya çempionatı çərçivəsində "Real" klubunun heyətində vurduğu qolların sayına görə rekord müəyyən edib.
Lent.az-ın məlumatına görə, dünən axşam İspaniya çempionatının 3-cu turunda Madrid klubu səfərdə "Espanyol"u 6 cavabsız qolla məğlub edib ki, bu qollardan da 5-ni Ronaldo vurub. Beləliklə məşhur futbolçunun "Real"ın heyətində İspaniya çempionatında vurduğu qolların sayı 230-a çatıb.
O, bu göstəriciyə görə, klubun əvvəlki kapitanı, İspaniya çempionatında 228 qol vurmuş Raulu qabaqlayıb.
