FİFA futzal üzrə yığma komandaların yeni reytinq cədvəlini açıqlayıb.

AZƏRTAC xəbər verir ki, Azərbaycan yığması siyahıda bir pillə irəliləyib. Belə ki, komandamız 1364 xalla 13-cü pillədə qərarlaşıb.

Millimizin “Avro-2016”ya vəsiqə uğrunda pley-off oyunları keçirəcəyi Slovakiya kollektivi isə 1223 xalla 22-ci pillədə qərarlaşıb. Gələn il təşkil olunacaq dünya çempionatının seçmə mərhələsindəki rəqiblərimizə gəlincə, Xorvatiya 1340 xalla 15-ci, Belarus komandası isə 1222 xalla 23-cüdür.

Qeyd edək ki, İspaniya millisi 1922 xalla ilk pillədə qərarlaşıb. Braziliya komandası (1900 xal) ikinci, Rusiya millisi (1746) isə üçüncü yerdədir.