Qadın voleybolçulardan ibarət Azərbaycan millisi Avropa çempionatının finalına hazırlığını İtaliyada davam etdirir.
AZƏRTAC xəbər verir ki, milli komandamız Florensiya şəhərində İtaliya yığması ilə yoxlama oyunu keçirib. Gərgin idman mübarizəsi şəraitində keçən görüş İtaliya millisinin 3:0 hesablı qələbəsi ilə başa çatıb.
Avropa çempionatının final mərhələsi sentyabrın 26-da Belçika və Hollandiyada start götürəcək. Millimiz qitə birinciliyində baş məşqçi Faiq Qarayevin rəhbərliyi altında mübarizə aparacaq.
