Bu gün 21 yaşadək futbolçulardan ibarət yığma komandamız "Avro-2017"nın seçmə mərhələsi çərçivəsində növbəti oyununa çıxacaq.

Qol.Az-ın məlumatına görə, Yaşar Vahabzadənin komandası doğma meydanda Almaniya millisi ilə qarşılaşacaq.

Son oyunda evdə Avstriyaya uduzan millimiz bu görüşdən sərfəli nəticə ilə ayrılmağa çalışacaq. Lakin qrupun favoritlərindən hesab olunan Almaniyanın buna nə dərəcədə imkan verəcəyi maraqla gözlənilir. "Dalğa Arena"da keçiriləcək oyun saat 19:00-da başlayacaq.

Qeyd edək ki, seçmə mərhələnin ilk matçında Farer adalarına 1:0 qalib gələn Azərbaycan yığması ikinci görüşündə evdə Avstriyaya uduzub - 0:2.




8 sentyabr

"Avro-2017"nin seçmə mərhələsi

19:00. Azərbaycan - Almaniya
Hakimlər: Aleksandr Boukat, Cimi Kremers, Loren Konotte (hamısı Belçika)
Bakı. "Dalğa-Arena".