"Qəbələ"nin Avropa Liqasının qrup mərhələsindəki rəqibi PAOK Bolqarıstan millisinin sabiq futbolçusu Dimitar Berbatovun transferini rəsmiləşdirib.

Qol.Az-ın klubun rəsmi saytına istinadən verdiyi məlumata görə, Saloniki təmsilçisi 34 yaşlı futbolçunu heyətinə qatıb.

Lakin müqavilənin müddəti və qiyməti barədə açıqlama verilməyib. Berbatovun Avropa Liqasının qrup mərhələsində "Qəbələ" ilə oyunlarda iştirak edəcəyi gözlənilir.

Qeyd edək ki, karyerası ərzində "Bayer" (Leverkuzen), "Tottenhem", "Mançester Yunayted" və "Fulhem" kimi klublarda oynayan Berbatovun son komandası "Monako" (Fransa) olub.