Rusiyanın Velikiy Novqorod şəhərində akrobatika gimnastikası üzrə “Volkov Cup” ənənəvi beynəlxalq turnir keçirilib. Azərbaycan Gimnastika Federasiyasından AZƏRTAC-a bildiriblər ki, turnirdə Azərbaycan, Gürcüstan, Ukrayna, Belarus, Moldova və digər postsovet ölkələri ilə yanaşı, Almaniya və İsraildən də akrobatlar iştirak ediblər.
Yarışda 12-18 yaşlılar qrupunda yer alan təmsilçilərimiz Nurcan Cabbarlı və Ağasif Rəhimovdan ibarət qarışıq cütlüyümüz üç çıxışın nəticələrinə əsasən 84.100 xal toplayaraq qızıl medal qazanıblar.Seymur Cəfərov - Murad Əkbərov cütlüyü isə 84.800 xalla gümüş medala sahib olub.
